Helô, fy enw i yw Paul Crowley a fi yw eich Arolygydd Heddlu lleol sy’n gyfrifol am Dîm Cymdogaeth Llanisien a Llanedeyrn sy’n cynnwys wardiau Cyncoed, Mynydd Bychan, Llys-faen, Llanisien, Pentwyn, Pontprennau a’r hen Laneirwg, Penylan a Rhiwbeina.
Mae cudd-wybodaeth gymunedol yn arf grymus i’n helpu yn y dasg hon a hoffwn i chi ymgysylltu â’ch heddlu lleol i ddynodi’r problemau sydd fwyaf pwysig i chi, a thrwy hynny ddylanwadu ar flaenoriaethau plismona lleol yn eich cymdogaeth.
Ein nod yw ymgynghori’n eang a bydd eich presenoldeb mewn cyfarfodydd
Partneriaethau a Chymunedau Ynghyd (PACT) yn rhoi cyfle i chi leisio eich barn i’m staff ac asiantaethau sy’n bartneriaid. Os nad ydych yn hoffi mynychu cyfarfodydd mae croeso i chi ffonio, ysgrifennu, e-bostio neu alw i mewn yn eich gorsafoedd lleol yn Llanisien neu Llanedeyrn.
Gyda’ch cymorth chi rwy’n credu y gall eich tîm plismona lleol helpu i sicrhau bod y rhan hon o Gaerdydd yn parhau'n lle braf a diogel i fyw ac i weithio ynddo, neu i ymweld ag ef.