Myfyrwyr Gwirfoddol yr Heddlu
Mae’r Cynllun Gwirfoddoli i Fyfyrwyr yn cael ei gynnal ar y cyd â Chynllun Gwirfoddolwyr Cymorth yr Heddlu, Heddlu De Cymru.
Dros y ddwy flynedd ddiwethaf mae myfyrwyr yn Ne Cymru yn arbennig o Brifysgolion Caerdydd a Threfforest wedi bod yn cymryd rhan ragweithiol yn eu cymunedau lleol, er lles y gymuned ac er lles y boblogaeth o fyfyrwyr sydd ar y campws ac yn y pentrefi myfyrwyr.
Mae’n galonogol fod myfyrwyr yn ymgysylltu â’r gymuned leol mewn ffordd gyfeillgar, yn aml dim ond ochr waethaf y gymuned myfyrwyr mae’r cyhoedd yn ei weld ac o ganlyniad maent yn rhoi’r bai am nifer o broblemau arnyn nhw (weithiau’n gywir ond weithiau’n anghywir). Drwy gymryd rhan, siarad gyda phobl a datrys problemau, mae’r cyhoedd wedi gallu gweld fod myfyrwyr yn gydwybodol a bod ganddynt ddiddordeb ym marn a safbwynt y gymuned gyffredinol.
Mae’r gweithgareddau sy’n cael eu cwblhau gan fyfyrwyr gwirfoddol hefyd yn cael eu defnyddio gan y Prifysgolion yn eu Gwyddorau Heddlu BSc, er enghraifft, i ddarparu astudiaethau achos ymarferol wrth ddysgu dulliau ymchwil i’r myfyrwyr.
Gan weithio o dan arweiniad aelodau’r Timau Plismona Cymdogaeth byddwch yn ymgysylltu’n uniongyrchol gyda Swyddogion Heddlu a Swyddogion Cymorth Cymunedol yr Heddlu sy’n gwasanaethu.
Os hoffech gofrestru eich diddordeb yn y Cynllun Myfyrwyr Gwirfoddol, lawrlwythwch a chwblhewch y ffurflen gais sy’n atodol. Bydd hefyd yn destun archwiliadau cefndir lleol yn unol â pholisi recriwtio cyfredol Heddlu De Cymru.
Mae’r broses o recriwtio Gwirfoddolwyr Myfyrwyr yr Heddlu bellach ar gau tan fis Medi 2013, pan fydd rhagor o wybodaeth ar gael ar y wefan hon ac mewn Undebau Myfyrwyr ledled De Cymru.